
مفيش شك إننا نجحنا مِن ساعة ما بدأنا في تقديم خدمة “أوبر” في مصر عام ٢٠١٤ في تغيير مفاهيم كتيرة لها علاقة بتنقلات الناس وتوصيلهم في البلاد. ودلوقتي اتوسَّعنا وبقينا بنغطّي مُدن تانية غير القاهرة، زي الإسكندرية والغردقة والمنصورة وطنطا ودمنهور. ولو لسه ما اشتركتش معانا في “أوبر”، هتلاقي هنا كل اللي تحتاج تعرفه عن خدمة “أوبر” في مصر!
إيه هي خدمة “أوبر”؟
“أوبر” عبارة عن تطبيق إلكتروني على الموبايلات الذكية بيربط بين شركائنا السائقين والركّاب. ويُمكنك بكلّ بساطة اختيار وسيلة التنقّل اللي عاوزها علشان تروح مشوارك مِن خلال التطبيق الإلكتروني ده. لا يُمكن لشركاء أوبر السائقين اختيار رُكّاب بطريقة عشوائية مِن الشارع، علشان كده فيه فرق واضح بين خدمة “أوبر” ومفهوم التاكسي التقليدي! باختصار، بنوفّر لك خدمة تأجير عربية عن طريق استخدام تطبيق إلكتروني هيساعدك ويوصلك السائقين لحدّ عندك مع التحكّم في عملية دَفع الأجرة بكل سهولة ويُسر.
حمّل التطبيق وابدأ رحلتك معانا
أوّل خُطوة لازم تعملها علشان تستخدم “أوبر” هي إنك تحمّل التطبيق الإلكتروني على تليفونك المحمول سواء كان بيشتغل بنظام أندرويد أو آبل، بعدها سجّل اسمك ورقم تليفونك المحمول وبيانات بطاقة الائتمان بتاعتك (طبعًا ده لو عندك بطاقة ائتمان وتحبّ إنك تدفع إلكترونيًّا بيها)، لكن في مصر مش ضروري يكون عندك بطاقة ائتمان علشان تستمتع بخدمة “أوبر”؛ ويمكنك الدفع كاش (تابع النقطة دي بعد كدة).
اختار مكان الوصول
علشان تختار وسيلة التنقّل المناسبة ليك وتستخدمها علشان توصل لأي مكان، كل اللي عليك تعمله إنك تدخّل مكان الوصول في تطبيق أوبر الإلكتروني. وبصورة تلقائية، هيسجّل التطبيق أقرب مكان ليك دلوقتي، وطبعًا يُمكنك تغيير المكان ده مِن خلال تحديد مكان أدق على الخريطة علشان تستناك العربية عنده. ولو إنت مش عارف العنوان اللي عايز توصلّه بالتحديد، هيساعدك التطبيق كمان عن طريق التعرّف على بعض الأسماء التجارية المعروفة وتقديم اقتراحات لأماكنهم. ولو حابب تدفع كاش، مافيش مشكلة على الإطلاق، قول إنك عايز تدفع كاش مِن خلال التطبيق الإلكتروني.
اختار الخدمة اللي عايزها
حَسب المكان اللي إنت عايش فيه في مصر، بنوفّر لك خدمات متنوّعة: فيه خدمة أوبر إكس (uberX)، ودي خدمة رئيسية عندنا بتوفّر فرصة للركّاب في التنقّل داخل المدن بعربية مريحة وبتكلفة مناسبة جدًّا. وفي بعض المُدُن، بتتوافر خدمة سكوتر (SCOOTER)، وهي أكتر خدمة اقتصادية عندنا حاليًّا وبتتم عن طريق الموتوسيكل لمّا يكون في راكب واحد ومشواره قصير. وأخيرًا، وبرضه في بعض الأماكن المختارة، يُمكنك الاستمتاع بخدمة سيلكت (SELECT) ودي خدمة أعلى مِن أوبر إكس وفيها رفاهية أكتر، طبعًا ده لأنها بتوفر عربيات أجدد وسائقين أكتر احترافًا.
تسعيرة واضحة ومُحدّدة
عَارف أفضل ميزة في خدمة “أوبر” إيه؟ إن تسعيرتها واضحة ومحددة لكلّ الركّاب، وكمان بتعتبر عادلة ومُرضية لشركائنا السائقين، علشان كده لما بتدخّل مكان الوصول في التطبيق الإلكتروني، هيطلع لك تكلفة تقريبية لمشوارك، ويمكن بسهولة التعرّف على قائمة أحدث الأسعار لخدماتنا مِن هنا.
التواصل مع أقرب سائق
لمّا بيوافق أي سائق من شركائنا قريب مِنك على طلب توصيلك، بيعرض التطبيق الإلكتروني وقت تقريبي يوصلّك فيه للمكان اللي إنت حدّدته، وهيبلغك التطبيق كمان لما تقرّب السيارة مِنك.
اعرف السائق كويس
بتسمح “أوبر” للركّاب إنهم يقيّموا الشركاء السائقين، وكمان يُمكن للشركاء السائقين إنهم يقيّموا الركّاب. وبكلّ سهولة، تقدر تلقي نظرة على الملفّ الشخصي لشريكك السائق، وتشوف صورته وتعرف اسمه وكمان نوع العربية اللي بيسوقها. وغير ده وده، هتعرف كمان عدد الرحلات اللي قام بيها، والتقييم اللي واخده، وكل ده وأكتر هتعرفه مِن خلال التطبيق الإلكتروني!
التطبيق عارف الطريق!
بمجرّد وصول العربية اللي هتوصّلك ودخولك فيها، هيكون مع السائق نسخة تانية خاصة بيه مِن التطبيق الإلكتروني ده، هيعرف مِن خلالها أحسن طريق يوصّلك للمكان اللي إنت عايزه. لكن، لو عندك طريق تاني تحبّ تاخده، ناقش الموضوع ده مع السائق واطلب مِنه يغيّر الطريق اللي كان هياخده ويمشي في الطريق اللي تحبه.
ادفع الأجرة
لمّا توصل بالسلامة للمكان اللي إنت عايزه وتخرج من العربية، هتنتهي رحلتك. ولو كُنت سجّلت بطاقتك الائتمانية في التطبيق الإلكتروني، هتتخصم أجرة المشوار تلقائيًّا مِنه، أما لو مسجّلتش أي بطاقة ائتمان، هتدفع الأجرة كاش.
مِن فضلك.. قيّم شريكك السائق!
بمجرّد ما تنتهي رحلتك، هيطلب مِنك التطبيق الإلكتروني تقييم السائق مِن خلال نظام يتراوح بين نجمة واحدة وخمس نجوم. وطبعًا، حطّ في بالك عند التقييم أمور تانية زي أدب السائق معاك ونظافة العربية وكمان الأمور التانية اللي ليها علاقة بالسلامة والأ مان. وهيطلب التطبيق كمان من الشركاء السائقين تقييم الركّاب، والغَرض من النظام ده إننا نعرف التعليقات وردود الأفعال المختلفة لنشر روح الاحترام والمحاسبة عند الركّاب والشركاء السائقين.
وبالرغم مِن أن المعلومات اللي فاتت دي تُعتبر أساسية لاستخدام خدمة “أوبر” في مصر، فإنّ التطبيق الإلكتروني بيضمّ كمان خصائص تانية مفيدة، منها:
حِفظ الأماكن
لو فيه مكان ما بتروحه بانتظام، يُمكنك بسهولة إنك تِعَلّم على العنوان بتاعه في التطبيق، علشان توصل للأماكن دي بطريقة أسرع.
الأماكن المتعدّدة
يُمكنك مِن خلال الخاصية دي إنك تاخد أصحابك معاك أو تنزّلهم في طريقك؛ وبتسمح ليك الخاصية دي وبكلّ بساطة إنك تضيف مكانين تانيين على طول الطريق اللي هيوصّلك لمكانك الأساسي.
شارك رحلتك
بتسمح الخاصية دي لأصحابك وعيلتك إنهم يعرفوا خط سيرك وإنت راكب عربية مِن “أوبر”، ويقدروا بكل بساطة يعرفوا هتوصل إمتى. وفي الأساس، بتستخدم الخاصية دي مِن باب الأمان، ومعرفة خط سيرك الفعلي.
تم النشر بواسطة Uber Editor