١٠ أماكن لازم تزورها في طنطا

طنطا بتعتبر من أهم مدن الدلتا، وبتشتهر بصناعة الكتان والنسيج، وكمان لها تاريخ طويل من قديم الأزل هتلاقيه واضح في آثارها وأماكنها السياحية. وفي وقتنا الحاضر، بتمثل جامعة طنطا وطلابها الواعدين الوجه العصري لعاصمة محافظة الغربية! تعالوا معانا نتعرَّف على أهمّ وأحسن أماكن سياحية في طنطا:

جامع أحمد البدوي أو المسجد المحمدي هو أكبر جوامع طنطا، واتسمّى بالاسم ده على اسم واحد من أقطاب الصوفية اللي اتولد في المغرب ودرس علوم الإسلام في مكة والمدينة والعراق، قبل ما يوصل طنطا وهو عنده ٤٠ سنة. وأسس بعدها الطريقة الأحمدية أو البدوية ووهب حياته لنشر تعاليم الدين الإسلامي في منطقة الدلتا. وبعد ما توفي البدوي عام ٦٧٥ هجريًّا أو ١٢٧٦ ميلادية، أقام واحد من تلامذته زاوية حول مقبرته كان بيتردد عليها تلاميذه وأتباعه، واتوسّع الجامع على مر السنين ليستوعب دلوقتي حوالي ٢٠.٠٠٠ من الزوّار والصوفيين.

المكان: ميدان سيد البدوي

فيه أماكن سياحية في طنطا كتير جدًّا، لكن مِن أشهرها على الإطلاق السبيل الأحمدي وهو عبارة عن سبيل جنب جامع أحمد البدوي بناه الخديوي عباس حلمي التاني علشان يبقى مكان إسلامي وأثري. بيتميز السبيل ده بالعمارة الإسلامية وشبابيكه المصنوعة من الخشب وهو مبني على دورين: الأول فيه السبيل والتاني فيه كُتّاب بيتعلم فيه الأطفال القرآن الكريم.

المكان: ميدان سيد البدوي

هو أكبر مولد في مصر مافيش كلام، وبتقام الاحتفالات بتاعته في شهر أكتوبر من كل سنة، وبالتحديد في الأسبوع اللي اتولد فيه العارف بالله السيد أحمد البدوي. وبيتجمّع ملايين الزوار للاحتفال بالمولد من مختلف محافظات مصر عن طريق إحياء الطرق الصوفية وإقامة الحفلات الدينية ومدح الرسول، وطبعًا بيحرص الزوّار على أكل الحمص والحلويات، خصوصًا المشبّك!

ممكن نقول إن جزء كبير من شهرة حلويات المشبّك بترجع لمولد السيد البدوي، لكن مش لازم تزور المولد في أكتوبر علشان تاكل المشبّك؛ بالعكس، المشبّك هتلاقيه موجود في معظم عربيات البيّاعين في شوارع طنطا! لكن، لو عايز تاكل مشبّك حلو قوي روح على طول شارع السكة الحديد مافيش كلام!

الشارع ده مشهور بحلاوة المولد، وهو عبارة عن سوق ومركز كبير مليان محلات ملابس وبارفانات وكمان محلات عبايات وطُرح.

المتحف ده بيجددوه دلوقتي، وهو بيتكون من ٥ أدوار: أول ٤ أدوار فيها قطع أثرية والدور الخامس فيه مكاتب إدارية ومخزن وقاعة للمؤتمرات. وطبعًا المتحف بيضم آثار فرعونية وقبطية ويونانية ورومانية وإسلامية كمان.

المكان: حديقة الأندلس، شارع مصطفى الجندي 

بتقع جامعة طنطا في قلب المدينة، وبتضمّ حوالي ١٣٦.٠٠٠ طالب وطالبة متوزعين على ١٣ كلية. استقلت الجامعة دي بعد ما كانت فرع من جامعة الإسكندرية عام ١٩٧٢. 

المكان: شارع الجيش

هو أهم أثر حضاري وثقافي في طنطا وبيمثل تحفة معمارية نادرة وكان اسمه قبل كده مسرح طنطا الثقافي، وبيدعم المركز ده العروض الشعبية والفنية والشعر والأوبرا اللي بتعكس التراث والبيئة المصرية.

المكان: حديقة الأندلس، شارع عمرو بن العاص

بتعتبر محطة سكة حديد طنطا ثالث أقدم المحطات في مصر بعد محطتي القاهرة والإسكندرية، وبيرجع تاريخها إلى أول خط سكة حديد يربط بين محافظتي القاهرة والإسكندرية عام ١٨٥٤، يعني بعد مرور ١٥ سنة على حفر قناة السويس! مبنى المحطة ده شاهد على عظمة وتاريخ أول وسيلة ربط عصرية بين البحر المتوسط والمحيط الهندي.

المكان: الغربية

https://enr.gov.eg

المول ده واحد من مولات كتيرة في طنطا وهو بيضم محلات وهايبر ماركت مشهورة، منها كارفور ومقام على مساحة ٢١ ألف متر مربع. طبعًا فيه كمان أكتر من ١٠٠ محل منها المتخصص في الموضة والمكتبات وكمان محلات الأكل زي دجاج كنتاكي وسينابون.

المكان: شارع المحلة الكبرى