四大浪漫夜景打卡位
年年情人節都同人逼，唔通年年都想同人逼咩？翻查 Uber 大數據，上年情人節最多人去嘅首三位熱門地方分別是係蘭桂坊、中環碼頭同埋海港城，而當晚往返蘭桂坊嘅人數更大幅拋離海港城 2.5 倍。睇嚟情人節都嚟唔開摸下酒杯底，同情人談談心。
今年想避開人潮兼享受獨處時刻？不妨轉戰以下四個夜景位，同摯愛舒舒服服咁搭 Uber 去觀賞夜色，營造富情調嘅一晚。
太平山頂盧吉道：俯瞰經典維港夜色
喺港島食完燭光晚餐，唔想咁早同另一半返屋企？不如搭 Uber 上山頂凌霄閣，再行幾步去隔離嘅盧吉道，遠眺維港兩岸景色。居高臨下，一次過睇晒九龍半島同港島北岸，同埋山下無數座著住燈嘅摩天大廈，拖住摯愛重新發現呢座繁華都市！
📍目的地：凌霄閣
青嶼幹線觀景台：享受共聚恬靜時刻
位於青衣島 西北面嘅青嶼幹線觀景台絕對係新界區情侶嘅首選！呢度唔單只可以觀賞到青馬大橋、汀九橋同汀九海灘全景，更可用望遠鏡眺望成個馬灣海峽同靠岸嘅諾亞方舟，陪另一半感受宏偉景觀。另外留意返，平日觀景台只係開到夜晚十點半，記得預留時間！
📍目的地：青嶼幹線觀景台
啟德郵輪碼頭公園：同另一半逃離煩囂
啟德郵輪碼頭由舊機場改建而成，頂層平台更設有全港最大的空中花園，佔地達二萬三千平方米。同伴侶喺公園繞一圈，可以 180 度欣賞維港、鯉魚門同觀塘靚景，依偎住飽覽最美景緻。記得公園只係開放到夜晚11點，如果想留多一陣就要轉去地下 24 小時開放嘅跑道公園喇！
📍目的地：啟德郵輪碼頭
龍翔道觀景台: 與摯愛發掘隱世秘景
撐完枱腳想見男女朋友多一陣，不妨返屋企前去轉龍翔道觀景台睇睇獅子山下嘅香港。呢個觀景台喺獅子山隧道隔離，可以瞭望新舊交替嘅九龍平房區，遠眺璀璨維港，發掘真正嘅香港夜景，同摯愛憧憬更美好將來。
📍目的地：龍翔道觀景台
想為呢一日畫上完美句號嘅話，記得用埋 app 內多個目的地功能，先送另一半返屋企，再舒舒服服等我哋送埋你返屋企。祝你同另一半有個難忘盡興嘅情人節！
發佈者：Uber Hong Kong
