全新 Uber Flash 正式登場：一鍵 call 齊的士或 UberX
關於 Uber Flash
由今日起，Uber 將於 App 內增設全新嘅 Uber Flash 交通選擇，為香港市民提供一個既方便、又優質嘅服務。只要你選擇 Flash 服務後，Uber 就會為你配對最近上車位置嘅 UberX 或的士司機夥伴，啱曬分秒必爭嘅乘客。以後撳一個掣叫到兩種車，大家搭車就更方便啦！
點解要選擇 Flash ？
方便：一鍵叫齊的士或 UberX
依家喺同一個 Uber App 入面，輸入目的地後，就可以選擇新登場嘅 Flash，我哋會為你配對最近嘅的士或 UberX 司機夥伴，以後搭車就唔駛再左諗右諗！
優質：司機夥伴服務質素保證
為保證服務質素，所有喺 Uber 香港平台上線嘅司機夥伴同車輛必須符合指定要求。我哋亦鼓勵所有司機夥伴及乘客為行程評分，以保證 Flash 嘅服務水平。同時我哋嘅客戶服務專員亦會跟進意見，如果乘客遺失物件或需要協助，我哋會隨時為你跟進。
Flash 如何收費？
Flash 嘅車費設定將會同 UberX 一樣。選擇 Flash 之後，無論你搭嘅係的士定 UberX，車程收費金額、計算方法同埋付款方式都會同現時 UberX 車費一樣。輸入目的地及選擇 Flash 之後，你會見到已包含道路收費嘅車費估算。而行程結束嘅時候，Uber App 會自動根據行程開始前同意嘅車費向你嘅信用卡收費，方便快捷。
如何使用「Flash」：
- 打開 Uber App
- 在「目的地？」空格內輸入你需前往的地方
- 點選「Flash」，並按「確認」
- App 會提示你系統將為你配對最就近之的士或 UberX 司機夥伴
- 再次點按「確認」
- 如成功與的士司機夥伴配對，你將透過電郵接收到相應的租用紀錄
- 當行程結束，費用將自動從你綁定之信用卡帳戶中扣除
- 你可以在 App 內給予司機夥伴讚賞或添加貼士，電子收據亦將在稍後傳送至你的電子郵箱。
常見問題
- Flash 嘅行程可唔可以用優惠碼呢？
除非優惠碼使用條款有特別注明「不適用於 Flash」，所有乘車優惠碼都適用於 Flash 嘅行程（ Uber Eats 優惠碼除外）。
- 咁以後仲可唔可以選擇 UberX 呢？
放心啦，其他 Uber 既有服務，包括 UberX、Black、UberXL 及「關懷優步 Assist」將繼續如常運作。Flash 同 UberX 喺 App 裡面分別為兩個選擇掣，只要你按自己嘅需要選擇最適合嘅產品，我哋會隨時為你服務。
- 搭 Flash 可以用信用卡付款嗎？
無論我哋為你配對到的士定 UberX，都唔駛擔心帶唔夠現金搭車，你可以輕鬆用信用卡付款。司機夥伴載你到達目的地後，Uber App 會自動根據行程開始前同意的車費，從信用卡上扣除。Uber 亦會將行程單據電郵給你，無需再保留列印版本。
- 選擇 Flash 嘅話，我可以享受 Uber App 咩服務呢？
Uber 會繼續為乘客及司機夥伴提供相互評分機制及乘客支援服務，以保持服務質素。乘客於 Uber App 內選擇 Flash 服務，無論你配對到嘅係的士定UberX，你亦能繼續享用所有既有功能，包括即時定價、即時位置分享、預計抵達時間、平分車資、應用程式內通訊、報告及認領失物以及電子支付車資等等。
備註：關於車費、附加費及隧道費
Flash之車費設定將會同 UberX 一樣。
若你在系統為你配對司機夥伴後取消行程，則可能需要支付 HK$20 取消費用*。
若司機夥伴抵達上車地點 3 分鐘^後，等候時間費用便會開始計算。等候時間費用按每分鐘 HK$2 計算。等候時間費用會自動套用至你的行程，而你亦將會在行程收據中看到這項收費。
隧道及青嶼幹線收費: 海底隧道:HK$20 ; 東區海底隧道:HK$25 ; 西區海底隧道:HK$70 ; 大老山隧道:HK$20 ; 大欖隧道:HK$48 ; 青嶼幹線:HK$15 ; 香港仔隧道:$5 ; 獅子山隧道:$8 ; 城門隧道:$5 ; 將軍澳隧道:$3 ; 沙田嶺隧道/尖山隧道/大圍隧道:$8 / 長青隧道:免費 / 啟德隧道: 免費; 南灣收費站及愉景灣隧道連接路段: 免費（只限的士）
^不適用於部分行車選項，詳情請參考「行程取消費及等候時間費用」
發佈者：Uber Hong Kong
